கௌதம் மேனன் படத்தில் அஜித்துடன் மோதும் வில்லன்!

வீரம் படத்திற்கு பிறகு அஜித், கௌதம் மேனன் இயக்கத்தில் நடிக்க போகிறார் என்பதுதான் தற்போது தமிழ் திரையுலகின் பெரிய கிசுகிசுவாக உள்ளது. தற்போது இந்த படம் பற்றிய சில தகவல்கள் வந்துள்ளன. மங்காத்தா படத்திற்கு பிறகு சால்ட் அன்ட் பெப்பரில் நடித்து வந்த அஜித்தை இப்போது மீண்டும் ”பில்லா” ரேஞ்சிற்கு ஸ்டைலாக மாற்றபோறாராம் கௌதம் மேனன். அதுவும் இதுவரை எந்தவொரு இந்தியபடமும் இதுபோல் ஸ்டைலிஷாக வரவில்லை என்று சொல்லுமளவிற்கு இதற்காக மேக்கப் மேனிலிருந்து, சண்டைபயிற்சாளர் வரை அனைவரையும் ஹாலிவுட் கலைஞர்களையே தேர்வு செய்யபோகிறாராம். படப்பிடிப்பு முழுக்க அமெரிக்காவில் நடைபெறவுள்ளதாகவும் தெரியவருகிறது. இவைதவிர, அஜித்துடன் மோதும் வில்லனாக நவரச நாயகன் கார்த்திக் நடிக்க இருக்கிறாராம். ஏற்கனவே, கார்த்திக் நடித்த “உன்னிடத்தில் என்னை கொடுத்தேன்” படத்தில் ஒரு கெஸ்ட் ரோலில் நடித்திருப்பார் அஜித். தற்போது இந்த இருவரும் இணைந்து ஒரு படத்தில் நடிக்க இருக்கிறார்கள். அதுமட்டுமின்றி படமும் இதுவரை இல்லாத அளவிற்கு வரவேண்டும் என்று சொல்லியிருக்காராம் ஏம்.எம். ரத்னம். மேலும் அஜித்தை நம்பி எவ்வளவு பணம் வேண்டுமானாலும் போட தயார் எனவும் கூறியிருக்கிறார். இதனால் கௌதம் மேனன் மகிழ்ச்சியில் மூழ்கியுள்ளாராம்.