ஷாருக்கானுடன் நடிக்கிறார் மனோரமா

ஷாருக்கானின் சென்னை எக்ஸ்பிரஸ் படத்தில் நடிகை மனோரமா நடிக்க இருக்கிறார்.




ஷாருக்கான்-தீபிகா படுகோனே நடிப்பில் உருவாகி வரும் திரைப்படம் சென்னை எக்ஸ்பிரஸ். ரோஹித் ஷெட்டி இயக்கும் இந்தப் படத்தின் படப்பிடிப்பு தமிழகத்தை சுற்றியுள்ள பகுதிகளில் நடந்து வருகிறது. இந்தப் படத்தில் நடிகை மனோரமாவும் நடிக்கிறார். சிங்கம் 2 படத்தில் சூர்யாவுடன் நடித்துள்ள அவர், ஷாருக்கானுடன் சென்னை எக்ஸ்பிரஸ் படத்தில் நடிக்க உள்ளார்.



ஏற்கெனவே, இப்படத்தின் சில காட்சிகளில் அவர் தீபிகா படுகோனுடன் சேர்ந்து நடித்தார். உடல் நலம் குன்றியதால் அவர் நடிக்கும் காட்சிகள் படமாக்கப்படவில்லை. தற்போது குணம் அடைந்து வரும் மனோரமா விரைவில் ஷாருக்கானுடன் நடிக்கும் காட்சிகளுக்காக சென்னை எக்ஸ்பிரஸ் படப்பிடிப்பில் பங்கேற்பார் என கூறப்படுகிறது.