செந்திலின் வாரிசும் சினிமாவில்

வாரிசுகளை சினிமாவுக்குள் கொண்டு வருவது எல்லாருமே விரும்பி செய்யக் கூடிய காரியம்தான். இந்த காரியத்தை நகைச்சுவை நடிகர் செந்திலும் செய்து வருவதுதான் இங்கு ஆச்சர்யம். ஆனால் தன்னை போல அவரை காமெடி நடிகராக உருவாக்காமல் ஒரு தலை சிறந்த டைரக்டராக உருவாக்க நினைத்தாராம். சிறுத்தை சிவாவிடம் உதவி இயக்குனராக சேர்த்துவிட்டிருக்கிறார். அஜீத்தின் வீரம் படத்தில் தற்போது பணியாற்றிக் கொண்டிருக்கிறார் அவர். அப்பா பணம் கொடுப்பார். அதில் சொந்தப்படம் எடுக்கலாம்ங்கிற கனவுல இந்த வேலைக்கு போகாதே. அப்பா எப்படி சொந்த முயற்சியில் படத்துல அறிமுகமாகி நடிச்சு பேரும் புகழும் பணமும் சம்பாதிச்சாரோ, அதே மாதிரி சொந்தக்காலில் நிற்கணும். படம் எடுக்கப் போறேன். பணம் கொடுன்னு வந்து நிக்கப்படாது என்று மகனுக்கு அட்வைஸ் பண்ணிதான் சினிமாவுக்குள் என்ட்ரியாகவே அனுமதித்தாராம். செந்தில் பார்க்கதான் காமெடி. நிஜத்தில் ரொம்பவே கால்குலேட்டிவ். இல்லேன்னா இப்படியொரு அட்வைஸ் வந்திருக்குமா?