உலகின் மிகப்பெரிய இந்துக்கோவில் பீகார் மாநிலத்தில் கட்டப்பட உள்ளது

உலகின் மிகப்பெரிய இந்துக்கோவிலை பீகார் மாநிலம் வைசாலி மாவட்டத்தில் கட்டப்போவதாக மகாவீர் மந்திர் அறக்கட்டளை அறிவித்துள்ளது.

மேலும், இந்த கோவில் 100 கோடி ரூபாய் செலவில் அமைக்கப்பட உள்ளது என்றும் சுமார் 15 ஏக்கர் பரப்பளவில் 5 மாடிகளை கொண்ட இக்கோவிலின் உயரம் சுமார் 222 அடி உயரம் இருக்கும் எனவும் அது அறிவித்துள்ளது.

கோவில் கட்டுவதற்கு தேவையான நிலம் 30 கோடி ரூபாய் செலவில் கையகப்படுத்தப்பட்டுள்ளதாக கூறப்பட்டுள்ளது. தற்போது, கம்போடியா நாட்டில் உள்ள அங்கர்வாட் கோவில் உலகின் மிகப்பெரிய இந்துக்கோவில் என்பது குறிப்பிடத்தக்கது.