கார்த்திக் மகனுக்கு பயிற்சி அளிக்கும் அர்ஜுன்

பொதுவாக ஒரு நடிகரின் படத்தில் மற்றொரு நடிகர் குணச்சித்திர வேடத்தில் நடிப்பதற்கே அதிகமாக அலட்டிக் கொள்ளும் இந்த காலத்தில், நடிகர் கார்த்திக்கின் மகன் கௌதமிற்கு உடற் பயிற்சி அளித்து வருகிறார் அர்ஜுன்.
மணி ரத்னம் இயக்கும் கடல் படத்தில் ஹீரோவாக அறிமுகமாகிறார் கௌதம். இவருக்கு உடலை கட்டுக்கோப்பாக வைத்துக் கொள்வதற்கான அனைத்து பயிற்சிகளையும் அளித்து, தனக்கு அடுத்தபடியாக, கட்டுக்கோப்பான உடல் அமைப்புடன் கூடிய அடுத்த ஹீரோவை உருவாக்கித் தந்துள்ளார் நடிகர் அர்ஜுன். அர்ஜுனும் கடல் படத்தில் ஒரு முக்கிய கதாபாத்திரத்தில் நடிக்கிறார் என்பது குறிப்பிடத்தக்கது.
எனக்குக் கீழ் பயிற்சி எடுத்துக் கொள்ளும்படி நான் கௌதமை அறிவுறுத்தினேன். அதற்கான பலன் கிடைத்துவிட்டது. தற்போது நல்ல எடை போட்டு, கட்டுக்கோப்பான உடலமைப்புடன் படங்களில் நடிக்க தயாராகிவிட்டார் என்கிறார் அர்ஜுன் பெருமையுடன்.