Monday, September 15, 2014

பெங்களூரை கலக்கிய சிகரம் தொடு போஸ்டர்


விக்ரம் பிரபு, மோனல் கஜ்ஜார் நடித்து நேற்று முன்தினம் வெளியான 'சிகரம் தொடு' திரைப்படம் தமிழகத்தில் மட்டுமின்றி பெங்களூரிலும் பெரும் வெற்றியை அடைந்துள்ளது. இந்த படத்திற்கு கிடைத்த பாஸிட்டிவ் விமர்சனங்களை அடுத்து பெங்களூரில் சிகரம் தொடு திரைப்படம் ஓடும் தியேட்டர்களில் கூட்டம் நிரம்பி வழிகிறது. எனவே இன்று முதல் பெங்களூரில் கூடுதல் தியேட்டர்களில் இந்த படம் வெளியாகிறது. மேலும் கர்நாடகா மாநில பிரபு ரசிகர் மன்ற தலைவர் குமரேசன் என்பவர் தனது சொந்த செலவில் இந்த படத்திற்காக வித்தியாசமான போஸ்டர் அடித்து 'சிகரம் தொடு' திரைப்படம் ஓடும் தியேட்டர்களில் வைத்துள்ளார். நடிகர் திலகம் சிவாஜி கணேசன், இளைய திலகம் பிரபு மற்றும் விக்ரம் பிரபு ஆகிய மூவரும் இருக்கும் இந்த கம்பீரமான போஸ்டரை தியேட்டர்களுக்கு படம் பார்க்க வரும் ரசிகர்கள் ஆர்வத்துடன் பார்த்து செல்வதாக கூறப்படுகிறது. சிகரம் தொடு படத்தின் தயாரிப்பாளர் தனஞ்செயன் இந்த போஸ்டரை பார்த்து மிகவும் சந்தோஷம் அடைந்ததாக தனது சமூக வலைத்தளத்தில் கூறியுள்ளார். விக்ரம் பிரபு, மோனல் கஜ்ஜார், சதீஷ், கவுரவ் நடித்துள்ள இந்த திரைப்படத்தை "தூங்கா நகரம்" கவுரவ் இயக்கியுள்ளார். அனைத்து தரப்பில் இருந்தும் இந்த திரைப்படத்திற்கு நல்ல வரவேற்பு கிடைத்துள்ளது.

No comments: