மீண்டும் வெளிவருகிறது ராஜபார்ட் ரங்கத்துரை

நடிகர் சிவாஜி கணேசன் நடித்த கர்ணன், வசந்த மாளிகை, திருவிளையாடல் போன்ற படங்கள் டிஜிட்டல் மயமாக்கப்பட்டு மீண்டும் வெளியிடப்பட்டது. அந்த வரிசையில் 1973ம் ஆண்டு வெளிவந்த ராஜபார்ட் ரங்கத்துரை படமும் டிஜிட்டல் படுத்தப்பட்டு வருகிறது. வி.சி-.குகநாதன் தயாரித்த இந்தப் படத்தை பி.மாதவன் இயக்கி இருந்தார். சிவாஜியுடன் உஷா நந்தினி, நம்பியார், வி.கே.ராமசாமி, மனோரமா, டி.கே.பகவதி நடித்திருந்தனர். எம்.எஸ்.விஸ்வநாதன் இசை அமைத்திருந்தார். இந்தப் படம் அப்போது பெரும் வெற்றி பெற்றதுடன் பாடல்கள் பெரிய அளவில் ஹிட்டானது. சிவாஜி கோமாளி வேஷமிட்டு பாடி ஆடும் "ஜிங்கினிக்கா சின்ன கிளி சிரிக்கும் பச்சைக்கிளி ஓடிவந்தா மேடையிலே ஆட்டமாட..." பாடலை இப்போது பார்த்தாலும், கேட்டாலும் கண்ணீர் வரும்.இப்போது ராஜபார்ட் ரங்கத்துரையை அபி சினி ஆர்ட்ஸ் என்ற நிறுவனத்தார் டிஜிட்டலில் மெருகூட்டி வருகிறார்கள். நவம்பர் மாதம் ரிலீசாகும் என்று தெரிகிறது.