மீண்டும் வந்தார் மனோஜ்

தமிழ்சினிமாவில் பெருமைமிகு வாரிசு என்று ஒரு காலத்தில் நம்பப்பட்டவர் இயக்குனர் பாரதிராஜாவின் மகன் மனோஜ். வெளிநாட்டில் டைரக்ஷன் படிப்பை முடித்துவிட்டு டைரக்டராவதே லட்சியம் என காத்திருந்த இவர் தாஜ்மஹால் படத்தின் மூலம் ஹீரோவாக அறிமுகப்படுத்தப்பட்டார். அதன்பின் சில படங்களில் ஹீரோவாக நடித்திருந்தாலும், அவ்வப்போது படம் இயக்கப் போகிறார் என்று செய்திகள் கிளம்பும். அப்புறம் அந்த செய்திகளுக்கு உயிர் இருக்காது.

எப்படியோ, தமிழ்சினிமாவில் தனக்கென்று ஒரு இடத்தை பிடித்துவிட வேண்டும் என்ற நோக்கத்தில் மீண்டும் நடிப்பில் கவனம் செலுத்த ஆரம்பித்திருக்கிறார் மனோஜ். பொதுவாக எதிர்மறை ஹீரோக்களுக்குதான் அதிக ஈர்ப்பு இருக்கிறது ரசிகர்கள் மத்தியில் என்பதை புரிந்து கொண்டவர், நெகட்டிவ் ரோலில் நடிக்கிறாராம். இந்த படத்தை அரும்பு மீசை குறும்பு பார்வை என்ற படத்தை இயக்கிய வெற்றிவீரன் என்பவர் இயக்கவிருக்கிறார். இப்படத்திற்கு இன்னும் பெயர் வைக்கவில்லை.